VRDTCA i stap promotem jenda ikwaliti long ol RTC

By Marie Claude Savard

VRDTCA i stap promotem jenda ikwaliti long ol RTC

Plante pipol oli think se jenda hemi abaot woman nomo. Be toktok ia jenda hemi abaot woman mo man. Jenda hemi abaot fasin blong wok long laef we sosaeti i givim long woman blong hao hemi behev mo akt, mo fasin blong wok long laef we sosaeti i givim long man blong hao hemi bihev mo akt olsem wan man. So, jenda hemi no abaot “woman nomo” o “man nomo”. Hemi abaot fasin we man mo woman i wok tugeta.

Taem yumi tok aboat ol jenda, hemi includim ol raet blong man mo woman tu. Hemi includim ol raet blong olgeta blong save gat akses long edukesen, helt seves, wok, mani, mo patisipet long disisen-meking proses long familyi komuniti mo kaontri.

VRDTCA i think se ol woman mo man oli sud gat semak valiu long saed blong edukeisen, mo semak janis blong kasem wan braet fiuja. Minim se sipos wan gel i wantem tren long wan RTC, hemi sud gat semak janis long wan boe long komuniti blong hem. Mo sipos hemi wantem stadi kapentri mo mekanik, RTC i sud aloem hem blong mekem, from hemi fea nomo. Sipos wan boe i wantem lanem homkea, hemi oraet tu. Tufala i sud gat janis blong jusim wanem nao oli wantem stadi, mo oli sud gat semak akses long trening ia.

Naoia long Vanuatu, i gat moa boe bitim gel olsem treni long ol RTC. Hemi minim se ol gel oli no gat semak janis blong kasem trening long ol rural eria. Long tis yia bakegen VRDTCA mo wan dona, PITIC tufala i oferem 30 skolasip blong helpem ol gel blong gat akes long trening.

Mo tu VRDTCA i glad tumas blong oferem wan niufala kos module – nem blong hem “Jenda Rol, o Fasin Blong Wok Blong Man mo Woman”. Blong introduisim module ia mo mekem sua se ol staf long ol RTC oli save wanem nao jenda i minim, VRDTCA i stap organaesem wan woksop long Vila, long namba 27 Februari kasem 2 Maj. Woksop ia hemi blong ol trena, be bae i sud gat wan nara woksop blong ol maneja long wan nara taem long tis yia.

I gat plante difren wei we yu save mekem sua se ol woman mo man oli gat semak valiu mo RTC blong yu. Be nambawan samting we yu save mekem hemi blong givim semak janis long ol gel mo boe blong tren mo kasem wan braet fiuja.