April 12, 2007

Keamu Rural Trening Senta

By: A. Yakam

Keamu Rural Trening Center hemi nem blong nufala Trening Centre we hemi jas kirap long aelan blong Aneytum long TAFEA provins. Focus blong RTC ia hemi menly long mekanik from se hemi gat wan experience mekanik trena we hemi bin stap tij long wan RTC bifo mo hemi gat bikfala inters long eria ia. RTC ia i stat of wetem 6 pikinini.

Long steg we i stap bai KRTC bai hemi yusum komuniti haos olsem klasrum mo bai oli mekem ol pratikel wok aotsaed long ol temprori shed, taem we oli wet long sekondri skul i muv long new site. Be sapos i stil gat delay long sekondrei skul, bai kansel blong ol jifs i disaed long wan nufala site from oli sapotem fulwan.

Nao ia i gat wan trena we hemi stap tijim mekanik mo wetem help blong six trenees we oli skul livas oli manej blong fixem ol machinery tul we Ex MP, Pastor Thomas mo Mamla company i bin lego few yias bifo. Intres i stap tu long ranem trening long woodwork, Homekea, Smol bisnis mo ol narafala sabjek we komuniti i gat inters long hem mo oli bin idindifiem ol trenas finis.

Blong stat wetem, skul fis hemi 2000VT long wan term mo oli stap wok blong mekem ol narafala fundraising blong help long kost long running blong RTC.

Long saed long ol trening modules, KRTC bai i depen mainly long modules we VRDTCA bai i providem mo tu oli stap wok blong setelem affilisen fees blong hem wetem VRDTCA. Long saed blong ol tuls blong wok, olgeta i gat fulap local risos i stap blong wok wetem mo taem oli setup gud bai oli wok blong kasem sam tul blong mekanik mo woodwork blong helpem olgeta blong leftemap standat b long trening.

No comments: